خدت بنتى فى حضنى أحكيلها حكايه ...
كانت عينى بتضحك لكن كنت ببكى من جوايا
طب أحكيلها حكاية الغابة ...
ولا غابة الدنيا كفايه ...
عارفه كلاب الغابه وفيه ...
كلاب الدنيا الغدر هوايه ...
شفتى الاسد ملك الغابه ...
جوه السيرك تسوقه عصايا ...
أما الست الكامله مراته ...
وصفوا بيها أى بغايا ...
الغزلان فى الغابه جميله ...
لكن جوه السجن سبايا ...
قرد فوق الشجره أتنطط...
حاول يقلب معنى الايه ...
الحمار عارف تنهيقه ..
لكن ده عامل سيديهايه ...
الارنبه خلفتها كتيره ..
ودى نسيت تاخد الحبايه ...
نطى نطه يا دبدوبه ...
وانتى بصى فى المرايا ...
البهايم عقلها فاضى ...
مخك ليه زى الخسايه ...
بابا خلاص راح أغمض عينى ..
ومش عاوزه أسمع أى حكايه ...
ليست هناك تعليقات:
إرسال تعليق
جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).